ਕਾਂਗਰਸੀ ਆਗੂ ਅਮਨਦੀਪ ਜੈਂਤੀਪੁਰ ਨੇ ਬਟਾਲਾ 'ਚ ਵਧਦੀਆਂ ਵਾਰਦਾਤਾਂ 'ਨੂੰ ਰੋਕਣ ਬਟਾਲਾ ਪੁਲਿਸ ਕੋਈ ਠੋਸ ਕਦਮ ਚੁੱਕੇ

ਬਟਾਲਾ, 6 ਦਸੰਬਰ (-ਡਾ ਬਲਜੀਤ ਸਿੰਘ ,ਨੀਰਜ ਸ਼ਰਮਾ) ਪੁਲਿਸ ਪ੍ਰਸ਼ਾਸਨ ਦਾ ਲਗਾਤਾਰ ਅਸਫਲ ਹੋਣਾ ਆਮ ਸ਼ਹਿਰੀ ਲਈ ਮੁਸੀਬਤ ਬਣਦਾ ਜਾ ਰਿਹਾ ਹੈ | ਇਹ ਪ੍ਰਗਟਾਵਾ ਸੀਨੀਅਰ

ਕਾਂਗਰਸੀ ਆਗੂ ਅਮਨਦੀਪ ਜੈਂਤੀਪੁਰ ਨੇ ਆਪਣੇ ਦਫਤਰ ਵਿਖੇ ਪ੍ਰੈੱਸ ਕਾਨਫਰੰਸ ਦੌਰਾਨ ਕੀਤਾ | ਐਡਵੋਕੇਟ ਅਮਨਦੀਪ ਜੈਂਤੀਪੁਰ ਨੇ ਕਿਹਾ ਕਿ ਮੈਂ ਇਹ ਗੱਲ ਦਾਅਵੇ ਨਾਲ ਇਕ ਕਾਂਗਰਸੀ ਹੋਣ ਦੇ ਨਾਤੇ ਨਹੀਂ, ਸਗੋਂ ਇਕ ਆਮ ਨਾਗਰਿਕ ਹੋਣ ਦੇ ਕਾਰਨ ਕਹਿ ਰਿਹਾ ਹਾਂ | ਉਨ੍ਹਾਂ ਕਿਹਾ ਕਿ ਪੁਲਿਸ ਪ੍ਰਸ਼ਾਸਨ ਸ਼ਨੀਵਾਰ ਨੂੰ ਮੁੱਖ ਮੰਤਰੀ ਤੇ ਕੇਜਰੀਵਾਲ ਦੀ ਸੁਰੱਖਿਆ ਵਿਚ ਤਾਇਨਾਤ ਰਿਹਾ ਤੇ ਬਟਾਲੇ ਦੀ ਸੁਰੱਖਿਆ ਰੱਬ ਹਵਾਲੇ ਕਰ ਦਿੱਤੀ ਗਈ, ਜੋ ਕਿ ਇਕ ਗੰਭੀਰ ਸਵਾਲ ਹੈ | ਬਟਾਲਾ ਵਿਚ ਜਿੱਥੇ ਪਹਿਲਾਂ ਹੀ ਆਮ ਕਾਰੋਬਾਰੀ ਗੈਂਗਸਟਰਾਂ ਤੋਂ ਫਿਰੌਤੀ ਲਈ ਮਿਲ ਰਹੀਆਂ ਧਮਕੀਆਂ ਤੋਂ ਪ੍ਰੇਸ਼ਾਨ ਹੈ, ਉਥੇ ਉਦਯੋਗ ਜਗਤ ਨਿੱਤ ਹੋ ਰਹੀਆਂ ਚੋਰੀਆਂ ਤੋਂ ਕੁਰਲਾ ਉੱਠਿਆ ਹੈ | ਜਦੋਂ ਸਥਾਨਕ ਵਿਧਾਇਕ ਦੇ ਨਜ਼ਦੀਕੀ ਰਿਸ਼ਤੇਦਾਰ ਵੀ ਤਿੰਨ ਦਿਨਾਂ ਵਿਚ ਦੋ-ਦੋ ਚੋਰੀਆਂ ਝੱਲਣ ਲਈ ਮਜਬੂਰ ਹੋ ਜਾਣ ਤਾਂ ਆਮ ਸ਼ਹਿਰੀ ਦੀ ਹਾਲਤ ਦਾ ਅੰਦਾਜ਼ਾ ਸਹਿਜੇ ਹੀ ਲਗਾਇਆ ਜਾ ਸਕਦਾ ਹੈ | ਪੁਲਿਸ ਅਫ਼ਸਰਾਂ ਦਾ ਗੈਰ-ਜ਼ਿੰਮੇਵਾਰੀ ਭਰਿਆ ਵਤੀਰਾ ਤੇ ਮੁਲਾਜ਼ਮਾਂ ਦੀ ਘੱਟ ਗਿਣਤੀ ਬਟਾਲਾ ਦੇ ਦੁਖਾਂਤ ਲਈ ਜ਼ਿੰਮੇਵਾਰ ਹੈ | ਉਨ੍ਹਾਂ ਕਿਹਾ ਕਿ ਅਗਰ ਲੋਕਾਂ ਦੀ ਜਾਨ-ਮਾਲ ਹੀ ਰਾਜ ਵਿਚ ਸੁਰੱਖਿਅਤ ਨਹੀਂ ਤਾਂ ਇਕ ਚੰਗੀ ਸਰਕਾਰ ਦੀ ਕਲਪਨਾ ਕਿਵੇਂ ਕੀਤੀ ਜਾ ਸਕਦੀ ਹੈ | ਲੋਕਾਂ ਦਾ ਜਾਨ-ਮਾਲ ਸੁਰੱਖਿਅਤ ਰੱਖਣਾ ਸਰਕਾਰ ਦਾ ਪਹਿਲਾਂ ਕੰਮ ਹੈ | ਅਗਰ ਇਸ ਸਬੰਧ ਵਿਚ ਕੋਈ ਠੋਸ ਕਦਮ ਨਹੀਂ ਚੁੱਕੇ ਜਾਂਦੇ ਤਾਂ ਸਥਾਨਕ ਕਾਂਗਰਸ ਇਸ ਲਈ ਲੋਕਾਂ ਦੇ ਮੋਢੇ ਨਾਲ ਮੋਢਾ ਜੋੜ ਕੇ ਖੜੇਗੀ ਤੇ ਪ੍ਰਸ਼ਾਸਨ ਦਾ ਘਿਰਾਓ ਕਰਨ ਲਈ ਮਜ਼ਬੂਰ ਹੋਵੇਗੀ | ਇਸ ਮੌਕੇ ਅਨਿਲ ਸੇਖੜੀ ਬੱਬੀ, ਅਰਵਿੰਦ ਰਾਣੋਂ ਕੌਂਸਲਰ, ਹਰਿੰਦਰ ਸਿੰਘ ਕੌਂਸਲਰ, ਸੁਖਦੇਵ ਸਿੰਘ ਕੌਂਸਲਰ, ਕਸਤੂਰੀ ਲਾਲ ਕੌਂਸਲਰ, ਸੁਧੀਰ ਚੰਦਾ ਕੌਂਸਲਰ, ਗੁਲਸ਼ਨ ਮਾਰਬਲ ਵਾਲੇ, ਰਮੇਸ਼ ਬੁਰਾ, ਕੌਸਲਰ ਜਗੀਰ ਖੋਖਰ, ਪ੍ਰਵੀਨ ਸਾਨਨ, ਸ਼ਿਵ ਸਾਨਨ, ਰਮਨ ਨਈਅਰ ਜ਼ਿਲ੍ਾ ਪ੍ਰਧਾਨ ਕਾਂਗਰਸ ਸੇਵਾ ਦਲ ਭੋਲਾਪੁਰੀ ਵਿਜੇ ਅਬਰੋਲ ਰਜਨੀਸ਼ ਰਜੇਸ਼ ਬਿੱਟੂ ਜੁਝਾਰ ਸਿੰਘ ਬੰਟੀ ਪ੍ਰਧਾਨ ਵਿਸ਼ਨੂ ਜਗਜੋਤ ਸਿੰਘ ਆਦਿ ਹਾਜਰ ਸਨ