ਕੌਂਸਲ ਆਫ ਡਿਪਲੋਮਾ ਇੰਜੀਨੀਅਰ ਨੇ ਡਿਪਟੀ ਕਮਿਸ਼ਨਰ ਅੰਮ੍ਰਿਤਸਰ ਨੂੰ ਦਿੱਤਾ ਮੰਗ ਪੱਤਰ

ਅੰਮ੍ਰਿਤਸਰ,18 ਨਵੰਬਰ (ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ,ਨੀਰਜ ਸ਼ਰਮਾ) - ਕੌਂਸਲ ਆਫ ਡਿਪਲੋਮਾ ਇੰਜੀਨੀਅਰ ਜੋਨ ਅੰਮ੍ਰਿਤਸਰ ਵੱਲੋ ਕੌਂਸਲ ਪੰਜਾਬ ਦੇ ਸੱਦੇ ਤੇ ਦਿੱਤੀ ਗਈ ਰੋਸ ਧਰਨੇ ਦੀ ਕਾਲ ਅਨੁਸਾਰ 17 ਅਤੇ 18 ਨਵੰਬਰ ਨੂੰ ਆਪਣੇ ਕੰਮਾਂ ਦਾ ਬਾਈਕਾਟ

ਕਰਦੇ ਹੋਏ ਅੱਜ ਦੂਸਰੇ ਦਿਨ ਸਥਾਨਿਕ ਡੀ ਸੀ ਕੰਪਲੈਕਸ ਅੰਮ੍ਰਿਤਸਰ ਵਿਖੇ ਧਰਨੇ ਤੇ ਬੈਠ ਕੇ ਜ਼ੋਰਦਾਰ ਰੋਸ ਪ੍ਰਦਰਸ਼ਨ ਕੀਤਾ ਗਿਆ।ਇਸ ਧਰਨੇ ਦੀ ਅਗਵਾਈ ਕੌਂਸਲ ਅੰਮ੍ਰਿਤਸਰ ਜੋਨ ਦੇ ਕਨਵੀਨਰ ਇੰਜੀ: ਅਸ਼ਵਨੀ ਕੁਮਾਰ, ਇੰਜੀ: ਸਿਮਰਦੀਪ ਸਿੰਘ ਅਤੇ ਇੰਜੀ:ਰੋਹਿਤ ਮੈਹਰਾ ਵੱਲੋ ਕੀਤੀ ਗਈ।ਇਸ ਮੌਕੇ ਧਰਨੇ ਨੂੰ ਸੰਬੋਧਨ ਕਰਦਿਆਂ ਇੰਜੀ:ਤੀਰਥ ਸਿੰਘ ਸਰਲੀ ਅਤੇ ਰਮਨਪ੍ਰੀਤ ਸਿੰਘ ਨੇ ਕਿਹਾ ਕਿ ਜੇਕਰ ਅਜੇ ਵੀ ਪੰਜਾਬ ਸਰਕਾਰ ਇੰਜੀਨੀਅਰ ਵਰਗ ਦੀਆਂ ਮੰਗਾਂ ਵੱਲ ਧਿਆਨ ਨਹੀਂ ਦੇਂਦੀ ਜਾਂ ਗੱਲਬਾਤ ਦਾ ਸਮਾਂ ਨਹੀਂ ਦੇਂਦੀ ਤਾਂ ਸੂਬੇ ਦੇ ਸਮੂੰਹ ਇੰਜੀਨੀਅਰਿੰਗ ਵਿਭਾਗਾਂ ਵੱਲੋ ਚੰਡੀਗੜ੍ਹ ਵਿਖੇ 22 ਨਵੰਬਰ ਨੂੰ ਵਿਸ਼ਾਲ ਰੈਲੀ ਕਰਕੇ ਪੱਕਾ ਮੋਰਚਾ ਲਗਾ ਦਿੱਤਾ ਜਾਵੇਗਾ।ਧਰਨੇ ਉਪਰੰਤ ਕੌਂਸਲ ਆਫ ਡਿਪਲੋਮਾ ਇੰਜੀਨੀਅਰ ਜੋਨ ਅੰਮ੍ਰਿਤਸਰ ਵੱਲੋਂ ਆਪਣੀਆਂ ਹੱਕੀ ਮੰਗਾਂ ਸੰਬੰਧੀ ਡਿਪਟੀ ਕਮਿਸ਼ਨਰ ਅੰਮ੍ਰਿਤਸਰ ਨੂੰ ਮੰਗ ਪੱਤਰ ਦਿੱਤਾ ਗਿਆ।ਹੋਰਨਾਂ ਤੋਂ ਇਲਾਵਾ ਇਸ ਮੌਕੇ ਇੰਜੀ:ਸੁਲੱਖਣ ਸਿੰਘ,ਇੰਜੀ: ਜਗਵੰਤ ਸਿੰਘ, ਇੰਜੀ:ਧਰਮਿੰਦਰ ਸਿੰਘ, ਇੰਜੀ: ਤਰਲੋਚਨ ਸਿੰਘ,ਇੰਜੀ: ਬਲਜੀਤ ਸਿੰਘ,ਇੰਜੀ:ਓਂਕਾਰ ਸਿੰਘ, ਇੰਜੀ:ਰੋਹਿਤ ਮੈਹਰਾ, ਇੰਜੀ:ਗੁਰਸਹਿਜਬੀਰ ਸਿੰਘ, ਇੰਜੀ:ਇੰਦਰਜੀਤ ਸਿੰਘ,ਇੰਜੀ: ਰਬਿੰਦਰ ਸਿੰਘ,ਇੰਜੀ:ਹਰਪ੍ਰੀਤ ਸਿੰਘ,ਇੰਜੀ:ਸਤਨਾਮ ਸਿੰਘ, ਇੰਜੀ:ਜਸਪ੍ਰੀਤ ਸਿੰਘ,ਇੰਜੀ:ਜਤਿਨ ਸਰਮਾ,ਇੰਜੀ:ਅਰੁਣ ਨਾਇਰ, ਇੰਜੀ:ਗੁਰਬਚਨਦੀਪ ਸਿੰਘ,ਇੰਜੀ:ਰਕੇਸ਼ ਕੁਮਾਰ, ਇੰਜੀ:ਰਮਨਪ੍ਰੀਤ ਸਿੰਘ, ਇੰਜੀ:ਅਜੇਪਾਲ ਸਿੰਘ, ਇੰਜੀ:ਮਨਜੀਤ ਸਿੰਘ ਆਦਿ ਨੇ ਵੀ ਧਰਨੇ ਨੂੰ ਸੰਬੋਧਨ ਕੀਤਾ। ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ ਪੰਜਾਬ।