ਨਹਿਰੀ ਮਹਿਕਮੇ ਦੇ ਕਰਮਚਾਰੀ ਦਾ ਮੋਟਰਸਾਈਕਲ ਹੋਇਆ ਚੋਰੀ

ਅੰਮ੍ਰਿਤਸਰ,1 ਜੂਨ (ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ, ਨੀਰਜ ਸ਼ਰਮਾ, ਜਸਬੀਰ ਸਿੰਘ) - ਜਲ ਸਰੋਤ ਵਿਭਾਗ ਅੰਮ੍ਰਿਤਸਰ ਦੇ ਸਰਕਲ ਡਰੇਨਜ਼ ਵਿੱਚ ਨੌਕਰੀ ਕਰਦੇ ਬਲਵਿੰਦਰ ਸਿੰਘ ਜੋ ਦਰਜਾਚਾਰ ਯੂਨੀਅਨ ਦੇ ਆਗੂ ਵੀ ਹਨ,ਉਨ੍ਹਾਂ ਦਾ ਅੱਜ ਦਫ਼ਤਰ ਦੇ ਬਿਲਕੁਲ ਸਾਹਮਣੇ ਲੱਗਾ ਪਲਾਟੀਨਾ ਮੋਟਰਸਾਈਕਲ ਜਿਸ ਦਾ ਨੰਬਰ ਪੀ ਬੀ 02 ਸੀ ਕੇ 6232 ਮਾਡਲ 2014 ਚੋਰੀ ਹੋ ਗਿਆ ਹੈ। ਜਿਸ ਦੀ ਰਿਪੋਰਟ ਉਨਾਂ ਵੱਲੋ ਸੰਬੰਧਤ ਪੁਲਿਸ ਚੌਂਕੀ ਰਾਣੀ ਕੇ ਬਾਗ ਵਿਖੇ ਦਰਜ ਕਰਵਾਉਣ ਉਪਰੰਤ ਮੌਕਾ ਦੇਖਣ ਆਏ ਏ ਐਸ ਆਈ ਸੁਦੀਸ ਕੁਮਾਰ ਨੂੰ ਦੱਸਿਆ ਕਿ ਇਸ ਇਲਾਕੇ .

ਵਿੱਚ ਚੋਰਾਂ ਦਾ ਟੋਲਾ ਬਹੁਤ ਸਰਗਰਮ ਹੈ। ਨਹਿਰੀ ਵਿਭਾਗ ਦੇ ਦਫਤਰ ਤੋਂ ਕਾਫੀ ਕਰਮਚਾਰੀਆਂ ਦੇ ਮੋਟਰਸਾਈਕਲ /ਐਕਟਿਵਾ ਚੋਰੀ ਹੋ ਚੁੱਕੇ ਹਨ। ਇਸ ਮੌਕੇ ਯੂਨੀਅਨ ਆਗੂ ਬਲਵਿੰਦਰ ਸਿੰਘ ਨੇ ਕਿਹਾ ਕਿ ਮਹਿਕਮੇ ਵੱਲੋ ਕੰਪਲੈਕਸ ਵਿੱਚ ਕੋਈ ਸਕੂਟਰ ਸਟੈਂਡ ਦਾ ਪ੍ਰਬੰਧ ਨਾ ਹੋਣ ਕਰਕੇ ਚੋਰਾਂ ਦੀਆ ਮੌਜਾਂ ਬਣੀਆਂ ਹੋਈਆਂ ਹਨ। ਇਸ ਸਬੰਧੀ ਉੱਚ ਅਧਿਕਾਰੀਆਂ ਦੇ ਧਿਆਨ ਵਿੱਚ ਲਿਆਉਣ ਤੇ ਵੀ ਕੋਈ ਪੁਖਤਾ ਪ੍ਰਬੰਧ ਨਹੀਂ ਕੀਤੇ ਜਾ ਰਹੇ। ਫੋਟੋ ਕੈਪਸ਼ਨ -: ਚੋਰੀ ਹੋਏ ਮੋਟਰਸਾਈਕਲ ਸੰਬੰਧੀ ਕਾਰਵਾਈ ਕਰਨ ਹਿੱਤ ਜਾਣਕਾਰੀ ਲੈਂਦੇ ਹੋਏ ਏ ਐੱਸ ਆਈ ਸੁਦੀਸ ਕੁਮਾਰ। ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ ਪੰਜਾਬ।