ਕਸਬਾ ਜੈਂਤੀਪੁਰ ਦੇ ਕਬਾੜੀਏ ਕੋਲੋਂ ਲੁਟੇਰੇ ਇੱਕ ਲੱਖ ਸੱਤਰ ਹਜ਼ਾਰ ਲੁੱਟ ਕੇ ਹੋਏ ਫ਼ਰਾਰ ਪਿਸਤੌਲ ਦੀ ਨੋਕ ਤੇ ਘਟਨਾ ਨੂੰ ਦਿੱਤਾ ਅੰਜਾਮ

ਅੰਮ੍ਰਿਤਸਰ,9 ਮਈ(ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ, ਬਲਜੀਤ ਸਿੰਘ ਢਡਿਆਲਾ, ਨੀਰਜ ਸ਼ਰਮਾ) - ਅੱਜ ਸਵੇਰੇ 11 ਵਜ਼ੇ ਦੇ ਕਰੀਬ ਅੰਮ੍ਰਿਤਸਰ ਜ਼ਿਲ੍ਹੇ ਦੇ ਕਸਬਾ ਜੈਂਤੀਪੁਰ ਵਿਖੇ ਅੰਮ੍ਰਿਤਸਰ ਪਠਾਨਕੋਟ ਮੁੱਖ ਮਾਰਗ ਤੇ ਸਥਿਤ ਇੱਕ ਕਬਾੜੀਏ ਦੀ ਦੁਕਾਨ ਤੋਂ ਦੋ ਅਣਪਛਾਤੇ ਲੁਟੇਰੇ ਪਿਸਤੌਲ ਦੀ ਨੋਕ ਤੇ ਇੱਕ ਲੱਖ ਸੱਤਰ ਹਜ਼ਾਰ ਰੁਪਏ,ਪਰਸ ਅਤੇ ਮੋਬਾਈਲ ਲੁੱਟ ਕੇ ਫ਼ਰਾਰ ਹੋ ਗਏ। ਮੌਕੇ ਤੇ ਪ੍ਰਾਪਤ ਕੀਤੀ ਜਾਣਕਾਰੀ ਅਨੁਸਾਰ ਦੁਕਾਨ ਮਾਲਕ ਰਵੀ ਮਹਾਜਨ ਦੇ ਪੁੱਤਰ ਰੂਬਲ ਨੇ ਦੱਸਿਆ ਕਿ ਮੈਂ ਅਤੇ ਦੋ ਦੁਕਾਨ ਤੇ ਕੰਮ ਕਰਨ ਵਾਲੇ ਅਮਨ ਸਿੰਘ ਤੇ ਜਸਬੀਰ ਸਿੰਘ ਦੁਕਾਨ ਤੇ ਬੈਠੇ ਸੀ ਕਿ ਦੋ ਅਣਪਛਾਤੇ ਨੌਜਵਾਨ ਐਕਟਿਵਾ ਤੇ ਆਏ ਜਿਨ੍ਹਾਂ ਨੇ ਆਪਣੇ ਮੂੰਹ ਢੱਕੇ ਹੋਏ ਸਨ,ਆਏ ਤੇ ਕਹਿਣ ਲੱਗੇ ਅਸੀਂ ਦੋ ਪੁਰਾਣੇ ਟਰੈਕਟਰ ਵੇਚਣੇ ਹਨ ਅਤੇ ਸਾਨੂੰ ਪੈਸੇ ਨਗਦ ਚਾਹੀਦੇ ਹਨ, ਤਾਂ ਮੈਂ ਕਿਹਾ ਕਿ ਪੈਸੇ ਨਗਦ ਮਿਲ ਜਾਣਗੇ ਪਰ ਪਹਿਲਾਂ ਅਸੀਂ ਆਰ ਸੀ ਚੈੱਕ ਕਰਨੀ ਹੈ। ਗੱਲਬਾਤ ਕਰਦਿਆਂ ਮੈਂ ਆਪਣੇ ਨੌਕਰ ਅਮਨ ਨੂੰ ਕਿਹਾ ਕਿ ਉਹ ਜਾ ਕੇ ਪੰਜ ਕੱਪ ਚਾਹ ਲੈ ਆਵੇ,ਜਦ ਉਹ ਚਾਹ ਲੈਣ ਗਿਆ ਤਾਂ ਲੁਟੇਰੇ ਪਿਸਤੌਲ ਦੀ ਨੋਕ ਤੇ ਪੈਸਿਆਂ ਵਾਲਾ ਬੈਗ,ਪਰਸ ਅਤੇ ਮੋਬਾਈਲ ਖੋਹ ਕੇ ਫ਼ਰਾਰ ਹੋ ਗਏ। ਇਸ ਵਾਰਦਾਤ ਦੀ ਸਾਰੀ ਘਟਨਾ ਸੀ ਸੀ ਟੀ ਵੀ ਕੈਮਰੇ ਵਿੱਚ ਕੈਦ ਹੈ। ਪੁਲਿਸ ਚੌਂਕੀ ਜੈਂਤੀਪੁਰ ਦੇ ਇੰਚਾਰਜ ਜਤਿੰਦਰ ਸਿੰਘ ਮੌਕੇ ਤੇ ਪਹੁੰਚੇ ਅਤੇ ਕੈਮਰੇ ਦੀ ਫੁਟੇਜ ਨੂੰ ਖੰਗਾਲਣ ਤੋਂ ਬਾਅਦ ਅਗਲੇਰੀ ਕਾਨੂੰਨੀਂ ਕਾਰਵਾਈ ਅਮਲ ਵਿੱਚ ਲਿਆਉਣੀ ਸ਼ੁਰੂ ਕਰ ਦਿੱਤੀ ਹੈ। ਫੋਟੋ ਕੈਪਸਨ : ਕਸਬਾ ਜੈਂਤੀਪੁਰ ਵਿਖੇ ਹੋਈ ਲੁੱਟ ਦੀ ਵਾਰਦਾਤ ਦੀ ਫੁਟੇਜ। ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ ਪੰਜਾਬ।