ਪੁਲਸ ਵਲੋਂ ਲੁਟੇਰਾ ਕਾਬੂ ਵੱਖ ਵੱਖ ਚੋਰੀਆਂ ਨੂੰ ਦਿੰਦਾ ਸੀ ਅੰਜਾਮ

ਅੰਮ੍ਰਿਤਸਰ 13 ਅਪ੍ਰੈਲ (ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ, ਨੀਰਜ ਸ਼ਰਮਾ) - ਪੁਲਿਸ ਕਮਿਸ਼ਨਰ ਅੰਮਿ੍ਤਸਰ ਅਰੁਣਪਾਲ ਸਿੰਘ ਦੇ ਦਿਸ਼ਾਂ ਨਿਰਦੇਸ਼ਾਂ 'ਤੇ ਗਲਤ ਅਨਸਰਾਂ ਖਿਲਾਫ ਕਰਵਾਈ ਨੂੰ ਅੰਜਾਮ ਦਿੰਦੇ ਹੋਏ ਥਾਣਾ ਵੱਲ੍ਹਾ ਦੇ ਐੱਸਐੱਚਓ ਜਸਬੀਰ ਸਿੰਘ ਦੀ ਅਗਵਾਈ

ਹੇਠ ਕੰਮ ਕਰਦੀ ਪੁਲਿਸ ਟੀਮ ਦੇ ਏ ਐੱਸ ਆਈ ਕੁਲਦੀਪ ਸਿੰਘ ਨੇ ਮੁਦਈ ਰਿੰਕੂ ਪੁੱਤਰ ਸਤਨਾਮ ਸਿੰਘ ਵਾਸੀ ਗਲੀ ਨੰਬਰ 11 ਮਕਬੂਲਪੁਰਾ ਦੇ ਬਿਆਨਾਂ ਤੇ 6 ਅਪ੍ਰਰੈਲ 2022 ਨੂੰ ਇਕ ਮੁਕੱਦਮਾ ਦਰਜ ਕੀਤਾ ਸੀ।ਪੁਲਿਸ ਵੱਲੋਂ ਬਰੀਕੀ ਨਾਲ ਕੀਤੀ ਗਈ ਤਫਤੀਸ਼ ਦੌਰਾਨ ਉਕਤ ਮੁਕੱਦਮੇ 'ਚ ਪਹਿਲਾਂ ਹੀ ਇੱਕ ਮੁਲਜ਼ਮ ਕੁਲਦੀਪ ਸਿੰਘ ੳਰੁਫ ਕੀਪੂ ਪੁੱਤਰ ਬਲਵੰਤ ਸਿੰਘ ਵਾਸੀ ਰਸੂਲਪੁਰ ਕਲੱਰ ਅੰਮਿ੍ਤਸਰ ਨੂੰ ਗਿ੍ਫਤਾਰ ਕੀਤਾ, ਜਦੋਂ ਕਿ ਦੋਸ਼ੀ ਸੰਦੀਪ ਸਿੰਘ ਉਰਫ ਮਿੱਤੀ ਪੁੱਤਰ ਸੁਖਚੈਨ ਸਿੰਘ ਵਾਸੀ ਨੇੜੇ ਸੈਣੀ ਕੌਂਸਲਰ ਪਿੰਡ ਰਸੂਲਪੁਰ ਕੱਲਰ ਨੂੰ ਪੁਲਿਸ ਨੇ 11 ਅਪ੍ਰੈਲ 2022 ਨੂੰ ਗਿ੍ਫਤਾਰ ਕਰ ਲਿਆ ਗਿਆ। ਜਿਸ ਨੇ ਪੁੱਛਗਿੱਛ ਦੌਰਾਨ ਇੰਕਸਾਫ ਕੀਤਾ ਕਿ ਉਸ ਵੱਲੋਂ 25 ਮਾਰਚ 2022 ਨੂੰ ਆਪਣੇ ਪਿੰਡ ਦੇ ਨੌਜਵਾਨ ਕੰਵਲ ਪੁੱਤਰ ਪੱਪਾ, ਗੁਰਭੇਜ ਸਿੰਘ ਉਰਫ ਭੇਜੂ ਪੁੱਤਰ ਬੱਗਾ ਸਿੰਘ ਅਤੇ ਗਿ੍ਫਤਾਰ ਮੁਲਜ਼ਮ ਕੁਲਦੀਪ ਸਿੰਘ ਉਰਫ ਕੀਪੂ ਨਾਲ ਰਲ ਕੇ ਸਬਜ਼ੀ ਮੰਡੀ ਝੁੱਗੀਆਂ ਵਾਲੇ ਪਾਸਿਓਂ ਝਾੜੀਆਂ ਲਾਗੇ ਵਿਅਕਤੀ ਦੀ ਡੰਡਿਆਂ ਨਾਲ ਕੁੱਟਮਾਰ ਕਰ ਕੇ ਅੋਪੋ ਏ-70 ਰੰਗ ਗੋਲਡਨ 'ਤੇ 700 ਰੁਪਏ ਦੀ ਨਗਦੀ ਖੌਹ ਕੀਤੀ, ਪੈਸੇ ਆਪਸ 'ਚ ਵੰਡ ਕੇ ਖਰਚ ਕਰ ਲਏ ਪਰ ਮੋਬਾਈਲ ਏ-70 ਇਸ ਦੇ ਦੂਜੇ ਸਾਥੀ ਕੰਵਲਜੀਤ ਸਿੰਘ ਪੁੱਤਰ ਪਲਵਿੰਦਰ ਸਿੰਘ ਕੋਲ ਹੈ। ਥਾਣਾ ਮੁਖੀ ਜਸਬੀਰ ਸਿੰਘ ਨੇ ਕਿਹਾ ਕਿ ਇਸ ਤੋਂ ਪਹਿਲਾਂ ਵੀ ਇਨ੍ਹਾਂ ਕੋਲੋਂ ਵੱਖ-ਵੱਖ ਜਗ੍ਹਾ ਤੋਂ ਖੋਹ ਕੀਤੇ 3 ਮੋਬਾਈਲ ਫੋਨ ਬਰਾਮਦ ਕੀਤੇ ਗਏ ਹਨ। ਫਰਾਰ ਮੁਲਜ਼ਮਾਂ ਦੀ ਗਿ੍ਫਤਾਰੀ ਲਈ ਪੁਲਿਸ ਸਰਗਰਮੀ ਨਾਲ ਛਾਪੇਮਾਰੀ ਕਰ ਰਹੀ ਹੈ। ਗਿ੍ਫਤਾਰ ਮੁਲਜ਼ਮ ਨੂੰ ਅਦਾਲਤ 'ਚ ਪੇਸ਼ ਕਰ ਕੇ ਰਿਮਾਂਡ ਹਾਸਲ ਕੀਤਾ ਜਾਵੇਗਾ। ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ ਪੰਜਾਬ।