ਸੁਗਰਫੈਡ ਪੰਜਾਬ ਵੱਲੋਂ ਚਲਾਈ ਵਿਸ਼ੇਸ਼ ਮੁਹਿੰਮ ਤਹਿਤ ਪੀ ਏ ਯੂ ਦੇ ਗੰਨਾ ਮਾਹਿਰਾਂ ਨੇ ਕੀਤਾ ਪਿੰਡ ਬੱਜੂਮਾਨ ਦਾ ਦੌਰਾ

ਅੰਮ੍ਰਿਤਸਰ,18 ਜੁਲਾਈ (ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ, ਨੀਰਜ ਸ਼ਰਮਾ ਜਸਬੀਰ ਸਿੰਘ) - ਸੁਗਰਫੈੱਡ ਪੰਜਾਬ ਵੱਲੋਂ ਚਲਾਈ ਵਿਸ਼ੇਸ਼ ਮੁਹਿੰਮ ਤਹਿਤ ਪੀ ਏ ਯੂ ਲੁਧਿਆਣਾ ਦੇ ਗੰਨਾ ਮਾਹਿਰ ਡਾ ਗੁਲਜ਼ਾਰ ਸਿੰਘ ਸੰਘੇੜਾ,ਡਾ ਰਜਿੰਦਰ ਪਾਲ ਅਤੇ ਡਾ ਅਨੁਰਾਧਾ ਸ਼ਰਮਾ ਦੀ ਟੀਮ ਨੇ ਬਟਾਲਾ ਸਹਿਕਾਰੀ ਖੰਡ ਮਿੱਲ ਲਿਮਟਿਡ ਦੇ ਅਧਿਕਾਰੀ ਡਾ ਬਿਕਰਮਜੀਤ ਸਿੰਘ ਖਹਿਰਾ ਦੇ ਨਾਲ ਮਿਲ ਕੇ ਖੰਡ ਮਿੱਲ ਦੇ ਅਧਿਕਾਰ ਖੇਤਰ ਦੇ ਪਿੰਡਾਂ ਦੇ ਦੌਰੇ ਦੌਰਾਨ ਪਿੰਡ ਬੱਜੂਮਾਨ ਵਿਖੇ ਪਹੁੰਚ ਕੀਤੀ। ਇਸ ਮੌਕੇ ਗੰਨਾ ਮਾਹਿਰ ਡਾਕਟਰਾਂ ਨੇ ਗੰਨੇ ਦੀ ਫ਼ਸਲ ਉੱਪਰ ਕੀੜੇ ਮਕੌੜਿਆਂ ਤੇ ਬਿਮਾਰੀਆਂ ਅਤੇ ਬੀਜ ਨਰਸਰੀਆਂ ਦਾ ਨਿਰੀਖਣ ਕੀਤਾ। ਇਸ ਦੌਰਾਨ ਗੰਨੇ ਦੀ ਸੀ ਓ 0238 ਉੱਪਰ

ਪੋਕਾ ਬੋਇੰਗ ਬਿਮਾਰੀ ਦੇ ਹਮਲੇ ਦੇ ਸ਼ੁਰੂਆਤੀ ਲੱਛਣ ਦੇਖਣ ਨੂੰ ਮਿਲੇ । ਤਕਰੀਬਨ ਤਿੰਨ ਏਕੜ ਰਕਬੇ ਵਿੱਚ ਨਵੀਂ ਕਿਸਮ ਸੀ ਓ ,ਪੀ ਬੀ 95 ਅਤੇ ਸੀ ਓ 118 ਕਿਸਮ ਦੀ ਕਾਰਗੁਜ਼ਾਰੀ ਬਿਹਤਰ ਪਾਈ ਗਈ। ਇਸ ਮੌਕੇ ਟੀਮ ਨੇ ਦੱਸਿਆ ਕਿ ਇੰਨਾਂ ਕਿਸਮਾਂ ਦਾ ਬੀਜ ਅਗਲੇ ਸਾਲਾਂ ਵਿੱਚ ਗੰਨਾ ਕਾਸ਼ਤਕਾਰਾਂ ਨੂੰ ਦੇਣ ਲਈ ਵਿਆਪਕ ਯੋਜਨਾਬੰਦੀ ਕਰਨ ਦੀ ਜ਼ਰੂਰਤ ਹੈ, ਤਾਂ ਦੋ ਸੀ ਓ 0238 ਹੇਠੋਂ ਰਕਬਾ ਘਟਾਇਆ ਜਾ ਸਕੇ । ਉਨ੍ਹਾਂ ਕਿਹਾ ਕਿ ਕੁਝ ਗੈਰ ਸਿਫਾਰਸ਼ਸ਼ੁਦਾ ਕਿਸਮਾਂ ਨੂੰ ਨਿਰਉਤਸਾਹਿਤ ਕਰਨ ਦੀ ਵੀ ਜ਼ਰੂਰਤ ਹੈ। ਇਸ ਮੌਕੇ ਹਰਪ੍ਰੀਤ ਬੱਜੂਮਾਨ ਮੈਂਬਰ ਬਲਾਕ ਸੰਮਤੀ, ਰਣਜੀਤ ਸਿੰਘ ਰਾਣਾ ਲੰਬੜਦਾਰ, ਹਰਜੀਤ ਸਿੰਘ ਸਰਵੇਅਰ, ਤੇਜਬੀਰ ਸਿੰਘ ਢਿੱਲੋਂ ,ਲਾਡੀ ਬੱਲ, ਮਨਪ੍ਰੀਤ ਸਿੰਘ, ਬਲਜਿੰਦਰ ਸਿੰਘ ਅਤੇ ਇਲਾਕੇ ਦੇ ਹੋਰ ਪਤਵੰਤੇ ਵੀ ਹਾਜ਼ਰ ਸਨ। ਫੋਟੋ ਕੈਪਸਨ ਸੁਗਰਫੈੱਡ ਪੰਜਾਬ ਵੱਲੋਂ ਚਲਾਈ ਵਿਸ਼ੇਸ਼ ਮੁਹਿੰਮ ਤਹਿਤ ਪੀ ਏ ਯੂ ਲੁਧਿਆਣਾ ਦੇ ਮਾਹਿਰ ਡਾਕਟਰਾਂ ਦੀ ਟੀਮ ਪਿੰਡ ਬੱਜੂਮਾਨ ਵਿਖੇ ਨਿਰੀਖਣ ਕਰਦੀ ਹੋਈ। ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ ਪੰਜਾਬ।