ਵਨਵਾਸੀ ਕਲਿਆਣ ਆਸ਼ਰਮ ਪੰਜਾਬ ਨੇ ਪੱਛਮੀ ਬੰਗਾਲ ਵਿਖੇ ਹੋ ਰਹੀ ਹਿੰਸਾ ਅਤੇ ਵਨਵਾਸੀ ਦਲਿਤ ਲੋਕਾਂ ਨੂੰ ਹੀ ਨਿਸ਼ਾਨਾ ਬਣਾ ਕੇ ਉਨ੍ਹਾਂ ਦੇ ਜਾਨੀ - ਮਾਲ ਨੁਕਸਾਨ ਸੰਬੰਧੀ ਬਟਾਲਾ ਦੇ SDM ਨੂੰ ਮੰਗ ਪੱਤਰ ਸੌਂਪਿਆ ਗਿਆ

ਬਟਾਲਾ 29 ਜੂਨ (ਨੀਰਜ ਸ਼ਰਮਾ/ ਜਸਬੀਰ ਸਿੰਘ/ ਵਿਨੋਦ ਸ਼ਰਮਾ)ਅੱਜ ਵਨਵਾਸੀ ਕਲਿਆਣ ਆਸ਼ਰਮ ਪੰਜਾਬ ਜਿਲ੍ਹਾ ਬਟਾਲਾ ਇਕਾਈ ਵਿਖੇ ਪੰਜਾਬ ਪ੍ਰਾਂਤ ਦੇ ਸਚਿਵ ਸ੍ਰੀ ਦਿਨੇਸ਼ ਸੱਤੀ ਜੀ ਦੀ ਅਗੁਵਾਈ ਵਿਚ ਪੱਛਮੀ ਬੰਗਾਲ ਵਿਖੇ ਹੋ ਰਹੀ ਹਿੰਸਾ ਅਤੇ ਵਨਵਾਸੀ ਦਲਿਤ ਲੋਕਾਂ ਨੂੰ ਹੀ ਨਿਸ਼ਾਨਾ ਬਣਾ ਕੇ ਉਨ੍ਹਾਂ ਦੇ ਜਾਨੀ - ਮਾਲ ਨੁਕਸਾਨ ਸੰਬੰਧੀ ਬਟਾਲਾ ਦੇ SDM ਨੂੰ ਮੰਗ ਪੱਤਰ ਸੌਂਪਿਆ ਗਿਆ । ਦਿਨੇਸ਼ ਸਤੀ ਨੇ ਜਾਣਕਾਰੀ ਦਿੰਦਿਆਂ ਹੋਇਆਂ

ਕਿਹਾ ਕਿ ਪੱਛਮੀ ਬੰਗਾਲ ਵਿਚ ਚੋਣਾਂ ਤੋਂ ਬਾਅਦ ਉੱਥੋਂ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਦੀ ਪਾਰਟੀ TMC ਦੇ ਵਰਕਰਾਂ ਵੱਲੋਂ ਵਨਵਾਸੀ ਭਾਈਚਾਰੇ ਅਤੇ ਹਿੰਦੂ ਸਮਾਜ ਦੇ ਗਰੀਬ ਲੋਕਾਂ ਵਿਰੁੱਧ ਹੋ ਰਹੀਆਂ ਜਾਲਮਪੁਣਾ ਕਾਰਵਾਹੀਆਂ ਕੀਤੀਆਂ ਜਾ ਰਹੀਆਂ ਹਨ । ਉਹਨਾਂ ਵਿੱਚ ਤਾਂ ਕਈ ਆਪਣੀਆਂ ਕੀਮਤੀ ਜਾਨਾਂ ਗੁਆ ਬੈਠੇ ਹਨ ਅਤੇ ਕਈ ਲੋਕਾਂ ਦੀ ਲੱਖਾਂ ਦੀ ਜਾਇਦਾਦ ਨੂੰ ਅੱਗ ਦੇ ਹਵਾਲੇ ਕੀਤਾ ਜਾ ਰਿਹਾ ਹੈ । ਇਸ ਦਮਨਕਾਰੀ ਨੀਤੀ ਦਾ ਵਿਰੋਧ ਕਰਦੇ ਹੋਏ ਵਨਵਾਸੀ ਕਲਿਆਣ ਆਸ਼ਰਮ ਬਟਾਲਾ ਜਿਲ੍ਹਾ ਦੇ ਮੈਬਰਾਂ ਵੱਲੋਂ ਦੇਸ਼ ਪੱਧਰ ਤੇ ਦਿੱਤੇ ਜਾ ਰਹੇ ਮੰਗ ਪੱਤਰਾਂ ਦੀ ਲੜੀ ਦੇ ਤਹਿਤ ਬਟਾਲਾ ਦੇ ਮਾਨਯੋਗ SDM ਸ੍ਰ.ਬਲਵਿੰਦਰ ਸਿੰਘ ਜੀ ਨੂੰ ਮੰਗ ਪੱਤਰ ਸੌਂਪਿਆ ਗਿਆ ।ਮਾਨਯੋਗ SDM ਸਾਹਿਬ ਜੀ ਨੇ ਬੜੀ ਗੰਭੀਰਤਾ ਨਾਲ ਸੁਣਿਆ ਅਤੇ ਉਨ੍ਹਾਂ ਨੇ ਇਸ ਮੰਗ ਪੱਤਰ ਨੂੰ ਰਾਸ਼ਟਰਪਤੀ ਨੂੰ ਭੇਜਣ ਲਈ ਯਕੀਨ ਦਿਵਾਇਆ ਤਾਂ ਜੋ ਉੱਥੋਂ ਦੇ ਲੋਕਾਂ ਦੀ ਰਾਖੀ ਕੀਤੀ ਜਾ ਸਕੇ ।ਇਸ ਮੌਕੇ ਤੇ ਵਨਵਾਸੀ ਕਲਿਆਣ ਆਸ਼ਰਮ ਪੰਜਾਬ ਪ੍ਰਾਂਤ ਦੇ ਸਹਿ ਸਚਿਵ ਸ੍ਰੀ ਦਿਨੇਸ਼ ਸੱਤੀ ਜੀ, ਬਟਾਲਾ ਜਿਲ੍ਹਾ ਦੇ ਮਹਾਂ ਸਚਿਵ ਸ੍ਰ. ਅਜੋਧ ਸਿੰਘ ਜੀ, ਬਟਾਲਾ ਜਿਲ੍ਹਾ ਦੇ ਪ੍ਰਚਾਰ ਪ੍ਰਸਾਰ ਪ੍ਰਮੁੱਖ ਸ੍ਰੀ ਇਸ਼ੂ ਰਾਂਚਲ ਜੀ, ਬਟਾਲਾ ਜਿਲ੍ਹਾ ਦੇ ਸੰਪਰਕ ਪ੍ਰਮੁੱਖ ਸ੍ਰੀ ਰਾਜਨ ਬਹਿਲ ਜੀ, ਬਟਾਲਾ ਜਿਲ੍ਹਾ ਦੇ ਉਪ ਪ੍ਰਧਾਨ ਸ੍ਰੀ ਹਰਿ ਕ੍ਰਿਸ਼ਨ ਮਹਾਜਨ ਜੀ, ਬਟਾਲਾ ਜਿਲਾ ਦੇ ਸਚਿਵ ਸ੍ਰੀ ਸੁਰੇਸ਼ ਪਠਾਣੀਆ ਜੀ, ਬਟਾਲਾ ਜਿਲ੍ਹਾ ਦੇ ਸਚਿਵ ਸ੍ਰੀ ਯਸ਼ਪਾਲ ਵਰਮਾ ਜੀ, ਬਟਾਲਾ ਜਿਲ੍ਹਾ ਦੇ ਸਚਿਵ ਸ੍ਰੀ ਅਸ਼ੋਕ ਪੁਰੀ ਜੀ, ਬਟਾਲਾ ਜਿਲ੍ਹਾ ਦੇ ਕੈਸ਼ੀਅਰ ਸ੍ਰੀ ਰਮੇਸ਼ ਅਗਰਵਾਲ ਜੀ(OCM), ਬਟਾਲਾ ਨਗਰ ਦੇ ਉਪ ਪ੍ਰਧਾਨ ਸ੍ਰੀ ਰਣਜੀਤ ਸਿੰਘ ਸੋਹਲ ਜੀ ਅਤੇ ਬਟਾਲਾ ਨਗਰ ਦੇ ਮਹਾ ਸਚਿਵ ਸ੍ਰੀ ਵਿਕਾਸ ਮਹਾਜਨ ਮੌਜੂਦ ਸਨ ।