ਪ੍ਰਧਾਨ ਮੰਤਰੀ ਅਵਾਸ ਯੋਜਨਾ ਤਹਿਤ ਪਾਸ ਹੋਈਆਂ ਗ੍ਰਾਂਟਾਂ ਗਰੀਬ ਪਰਿਵਾਰਾਂ ਨੂੰ ਦਿਤੀਆਂ ਜਾਣ - ਰਾਜ ਕੁਮਾਰ ਫੈਜਪੁਰਾ

ਬਟਾਲਾ ,26 ਜੂਨ (ਪੱਤਰ ਪ੍ਰੇਰਕ ਨੀਰਜ ਸ਼ਰਮਾ, ਜਸਬੀਰ ਸਿੰਘ) - ਪ੍ਰਧਾਨ ਮੰਤਰੀ ਅਵਾਸ ਯੋਜਨਾ ਤਹਿਤ ਕੱਚੇ ਮਕਾਨ ਪੱਕੇ ਕਰਨ ਲਈ ਪ੍ਰਧਾਨ ਮੰਤਰੀ ਸ੍ਰੀ ਨਰਿੰਦਰ ਮੋਦੀ ਜੀ ਵੱਲੋਂ ਗਰੀਬ ਪਰਿਵਾਰਾਂ ਨਾਲ ਸਬੰਧਤ ਲੋਕਾਂ ਨੂੰ ਜਿੰਨਾਂ ਦੇ ਘਰ ਕੱਚੇ ਸਨ ਉਹਨਾਂ ਦੇ ਫ਼ਾਰਮ 2015 ਵਿੱਚ ਭਰੇ ਗਏ ਸਨ। ਜਿਸ ਤਹਿਤ ਜਿੰਨਾਂ ਵਿਅਕਤੀਆਂ ਦੀਆਂ ਗ੍ਰਾਂਟਾਂ ਪਾਸ ਹੋਈਆਂ ਉਨ੍ਹਾਂ ਨੂੰ ਮਿਤੀ 10/12/16 ਨੂੰ ਨਗਰ ਕੌਂਸਲ ਬਟਾਲਾ ਵੱਲੋਂ ਪੱਤਰ ਜਾਰੀ ਕੀਤੇ

ਗਏ ਸਨ। ਜਿਸ ਤਹਿਤ ਲੋਕਾਂ ਨੂੰ ਦੱਸਿਆ ਗਿਆ ਸੀ ਕਿ ਆਪ ਦੇ 150000 ਰੁਪਏ ਪਾਸ ਹੋ ਗਏ ਹਨ। ਉਨ੍ਹਾਂ ਵਿੱਚੋਂ ਕਈਆਂ ਨੂੰ 50000 ਰੁਪਏ ਮਿਲੇ ਹਨ ਤੇ ਕਈਆਂ ਨੂੰ 100000 ਰੁਪਏ ਮਿਲੇ ਹਨ। ਪ੍ਰੰਤੂ ਉਸ ਤੋਂ ਬਾਅਦ ਕੋਈ ਲੱਗਭੱਗ ਦੋ ਤਿੰਨ ਸਾਲ ਹੋ ਗਏ ਹਨ ਕੋਈ ਗਰਾਂਟ ਜਾਰੀ ਨਹੀਂ ਕੀਤੀ ਗਈ।ਉਕਤ ਜਾਣਕਾਰੀ ਸ੍ਰੀ ਰਾਜਕੁਮਾਰ ਫੈਜਪੁਰਾ ਜ਼ਿਲਾ ਪ੍ਰਧਾਨ ਲੋਕਲ ਬਾਡੀ ਸੈਲ ਵੱਲੋਂ ਪ੍ਰੈਸ ਨੋਟ ਜਾਰੀ ਕਰਕੇ ਦਿੱਤੀ ਗਈ। ਉਨ੍ਹਾਂ ਸਰਕਾਰ ਪਾਸੋਂ ਪੁਰਜ਼ੋਰ ਮੰਗ ਕੀਤੀ ਕਿ ਸਬੰਧਤ ਗਰੀਬ ਪਰਿਵਾਰਾਂ ਦੀ ਬਕਾਇਆ ਰਾਸ਼ੀ ਜਲਦੀ ਤੋਂ ਜਲਦੀ ਜਾਰੀ ਕੀਤੀ ਜਾਵੇ ਤਾਂ ਜੋ ਲੋਕ ਆਪਣੇ ਕੱਚੇ ਮਕਾਨ ਪੱਕੇ ਕਰ ਸਕਣ। ਪੱਤਰ ਪ੍ਰੇਰਕ ਨੀਰਜ ਸ਼ਰਮਾ ਪੰਜਾਬ।