ਵਣਵਾਸੀ ਕਲਆਣ ਆਸ਼੍ਰਮ ਵਲੋਂ ਭਗਵਾਨ ਵਿਰਸਾ ਮੁੰਡਾ ਅਤੇ ਬੰਦਾ ਬਹਾਦਰ ਬਲੀਦਾਨ ਦਿਵਸ ਮੌਕੇ 125 ਤੁਲਸੀ ਬੂਟੇ ਅਤੇ 300 ਮਾਸਕ ਵੰਡੇ ਗਏ

ਸ਼੍ਰੀ ਮਤੀ ਅੰਜੂ ਅਗਰਵਾਲ ਰਾਸ਼ਟਰ ਸੇਵਿਕਾ ਸਮਿਤੀ ਵਲੋਂ 10 ਦਿਨਾਂ ਦੀ ਮਿਹਨਤ ਤੋਂ ਬਾਅਦ ਤਿਆਰ ਕੀਤੇ ਗਏ ਤੁਲਸੀ ਦੇ ਬੂਟੇ । ਬਟਾਲਾ11ਜੂਨ (ਨੀਰਜ ਸ਼ਰਮਾ- ਜਸਬੀਰ ਸਿੰਘ- ਵਿਨੋਦ ਸ਼ਰਮਾ) ਵਣ ਵਾਸੀ ਕਲਿਆਣ ਆਸ਼ਰਮ ਵਲੋਂ ਭਗਵਾਨ ਵਿਰਸਾ ਮੁੰਡਾ ਅਤੇ ਬੰਧਾ ਸਿੰਘ ਬਹਾਦਰ ਦਾ ਬਲੀਦਾਨ ਦਿਵਸ ਤੁਲਸੀ ਦੇ ਬੂਟੇ ਅਤੇ ਮਾਸਕ ਵਿਤਰਣ ਕਰਕੇ ਮਨਾਇਆ ਗਿਆ। ਇਸ ਮੌਕੇ ਤੇ ਵਣ ਵਾਸੀ ਕਲਿਆਣ ਆਸ਼ਰਮ ਦੇ ਪ੍ਰਾਂਤ ਸਹਿ ਸਚਿਵ ਦਿਨੇਸ਼ ਸਤੀ ਨੇ ਪੱਤਰਕਾਰਾਂ ਨਾਲ ਗੱਲ ਬਾਤ ਦੌਰਾਨ ਕਿਹਾ ਕਿ ਕਾਰੋਨਾ ਮਹਾਂਮਾਰੀ ਦੇ ਚਲਦਿਆ ਜਿਹੜੀ ਮਰੀਜਾ ਨੂੰ ਔਕਸੀਜ਼ਨ ਦੀ ਘਾਟ ਆਈ ਹੈ ਅੱਜ ਦੀ ਸੇਵਾ ਇਸ ਘਾਟ ਨੂੰ ਦੂਰ ਕਰਨ ਲਈ ਇੱਕ ਛੋਟਾ ਜਿਹਾ ਉਪਰਾਲਾ ਹੈ। ਓਹਨਾ ਕਿਹਾ ਕਿ ਤੁਲਸੀ ਪੂਜਣ ਯੋਗ ਹੈ ਅਤੇ ਸਾਡੇ

ਵਾਤਾਵਰਨ ਨੂੰ ਸ਼ੁੱਧ ਕਰਦੀ ਹੈ ।ਦਿਨੇਸ਼ ਸਤੀ ਨੇ ਕਿਹਾ ਕਿ ਬਿਰਸਾ ਮੁੰਡਾ ਇੱਕ ਮਹਾਨ ਕ੍ਰਾਂਤੀਕਾਰੀ ਸਨ ਜਿਨ੍ਹਾਂ ਨੇ ਤੀਰ ਕਮਾਨਾਂ ਨਾਲ ਅੰਗਰੇਜ਼ਾਂ ਦੀਆਂ ਗੋਲੀਆਂ ਦਾ ਸਾਹਮਣਾ ਕੀਤਾ । ਉਸ ਮਹਾਨ ਕ੍ਰਾਂਤੀਕਾਰੀ ਅਤੇ ਬੰਦਾ ਬਹਾਦਰ ਵਰਗੇ ਮਹਾਨ ਯੋਧੇ ਦੀ ਯਾਦ ਵਿੱਚ ਇਹ ਸੇਵਾ ਕੰਮ ਕੀਤਾ ਗਿਆ ਹੈ ।ਭਗਵਾਨ ਬਿਰਸਾ ਮੁੰਡਾ ਨੇ ਪੱਚੀ ਸਾਲ ਦੀ ਛੋਟੀ ਉਮਰ ਵਿੱਚ ਹੀ ਸ਼ਹਾਦਤ ਦਾ ਜਾਮ ਪੀਤਾ ।ਇਸ ਸ਼ਹਾਦਤ ਤੋਂ ਪਤਾ ਲੱਗਦਾ ਹੈ ਕਿ ਉਹ ਆਪਣੇ ਦੇਸ਼, ਧਰਮ ਅਤੇ ਕੌਮ ਨੂੰ ਕਿੰਨਾ ਪਿਆਰ ਕਰਦੇ ਸਨ । ਅਜਿਹੇ ਲੋਕ ਬੜੇ ਭਾਗਾਂ ਵਾਲੇ ਹੁੰਦੇ ਹਨ । ਨਵੀਂ ਪੀੜ੍ਹੀ ਨੂੰ ਇਹ ਮਹਾਨ ਸ਼ਖ਼ਸੀਅਤਾਂ ਦੇ ਬਾਰੇ ਜਾਣੂ ਕਰਾਉਣਾ ਬਹੁਤ ਜ਼ਰੂਰੀ ਹੈ । ਜਿਹੜੀਆਂ ਪੀਡ਼੍ਹੀਆਂ ਅਤੇ ਕੌਮਾਂ ਆਪਣੇ ਸ਼ਾਨਦਾਰ ਇਤਿਹਾਸ ਅਤੇ ਮਾਨ ਮੱਤੇ ਵਾਲੀਆਂ ਮਹਾਨ ਸ਼ਖ਼ਸੀਅਤਾਂ ਨੂੰ ਯਾਦ ਨਹੀਂ ਕਰਦੇ ਉਹ ਗੁੰਮਨਾਮੀ ਦੇ ਹਨੇਰੇ ਵਿਚ ਗਰਕ ਹੋ ਜਾਂਦੇ ਹਨ । ਵਣ ਵਾਸੀ ਆਸ਼ਰਮ ਵਲੋਂ ਅੱਜ ਸਿਵਲ ਹਸਪਤਾਲ ਦੇ ਕੋਰੋਨਾ ਵਾਰਡ ,ਜਨਰਲ ਵਾਰਡ ਅਤੇ ਬੱਚਿਆਂ ਦੇ ਵਾਰਡ ਵਿਖੇ ਸ਼੍ਰੀ ਮਤੀ ਅੰਜੂ ਅਗਰਵਾਲ ਜੀ ਦੇ ਵਿਸ਼ੇਸ਼ ਸਹਿਯੋਗ ਨਾਲ 125 ਤੁਲਸੀ ਦੇ ਬੂਟੇ ਵੰਡੇ ਗਏ। ਇਸ ਤੋਂ ਇਲਾਵਾ 300 ਦੇ ਕਰੀਬ ਮਾਸਕ ਵੰਡੇ ਗਏ ।ਇਸ ਮੌਕੇ ਤੇ ਵਨਵਾਸੀ ਕਲਿਆਣ ਆਸ਼ਰਮ ਦੇ ਸੰਪਰਕ ਪ੍ਰਮੁੱਖ ਰਾਜਨ ਬਹਲ, ਜ਼ਿਲ੍ਹਾ ਉਪ ਪ੍ਰਧਾਨ ਹਰੀ ਕ੍ਰਿਸ਼ਨ ਮਹਾਜਨ ,ਜ਼ਿਲ੍ਹਾ ਸਹਿ ਸਚਿਵ ਮਹਾਜਨ,ਸੁਰੇਸ਼ ਪਠਾਨੀਆ,ਸਹਿ ਸਚਿਵ ਲੈਕਚਰਾਰ ਸੁਖਦੇਵ ਰਾਜ,ਸਮਾਜ ਸੇਵਕ ਜਤਿੰਦਰ ਸਤੀ ਆਦਿ ਹਾਜ਼ਿਰ ਸਨ।